Gwasanaeth Gwaed Cymru yn ymuno â Chynghreiriau Cymdeithas Bêl-droed Cymru ac Uwch Gynghrair Menywod Cymru yn annog cefnogwyr i achub bywydau

Mae Gwasanaeth Gwaed Cymru wedi ffurfio partneriaeth â Chymdeithas Bêl-droed Cymru i lansio ymgyrch newydd sbon i annog cefnogwyr pêl-droed Cynghreiriau JD Cymru ac Uwch Gynghrair Merched Cymru Orchard i roi gwaed. JD Cymru Cymdeithas Bêl-droed Cymru a Orchard Welsh Premier Women’s Leagues football fans to donate blood.

 Drwy ei ymgyrch 'Gwaed, Chwys ac Iechyd Da', mae clybiau lleol yn cael eu hannog gan Wasanaeth Gwaed Cymru i ymgysylltu â'u cefnogwyr a chymunedau lleol i hyrwyddo pwysigrwydd rhoi gwaed a chofrestru cefnogwyr pêl-droed i achub miloedd o fywydau. Mae'r ymgyrch wedi derbyn cefnogaeth gan gyn-chwaraewr canol cae Cymru Owain Tudur Jones a blaenasgellwr Cymru, Natasha Harding.

Bob dydd mae angen i Wasanaeth Gwaed Cymru gasglu 350 o roddion gwaed i gyflenwi ysbytai gyda digon o waed ar gyfer cleifion.

Mae gwaed a'i sgil-gynhyrchion yn chwarae rhan hanfodol wrth achub bywydau bob dydd. Mae rhoddion yn helpu dioddefwyr damweiniau, cleifion sy'n cael aren, trawsblaniad iau neu organau, menywod beichiog, cleifion lewcemia a chanser, rhywun ar fin cael llawdriniaeth ar y galon a babanod cynamserol na allant oroesi heb drallwysiad gwaed.

Mae Gwasanaeth Gwaed Cymru yn casglu 100,000 o roddion gwaed bob blwyddyn gan tua 70,000 o roddwyr gwirfoddol. Yn ei rôl newydd fel partner cymunedol swyddogol cyntaf Cynghreiriau Cymru Cymdeithas Bêl-droed Cymru ac Uwch Gynghrair Merched Cymru, mae Gwasanaeth Gwaed Cymru yn gobeithio y bydd yr ymgyrch 'Gwaed, Chwys ac Iechyd Da' yn helpu'r sefydliad gyda'i nod o arwyddo 11,000 o roddwyr gwaed newydd yn 2020.

Er bod y pandemig wedi atal cefnogwyr pêl-droed rhag mynychu gemau dros dro, mae clybiau'n gofyn i gefnogwyr i gefnogi eu tîm drwy roi gwaed a allai achub bywydau yn lle hynny. Ystyrir bod rhoi gwaed yn wasanaeth hanfodol, ac mae sesiynau rhoi gwaed wedi parhau ledled Cymru drwy gydol y pandemig gyda mesurau diogelwch ychwanegol yn cael eu cyflwyno i fodloni canllawiau Llywodraeth Cymru ar gyfer rhoddwyr sy'n mynychu.

Dywedodd yr Athro Donna Mead, cadeirydd Ymddiriedolaeth GIG Prifysgol Felindre: "Mae hwn yn ganlyniad gwych i Wasanaeth Gwaed Cymru. Mae gan y clybiau pêl-droed hyn gysylltiad enfawr â'u cymunedau lleol ac rydym yn gobeithio'n fawr y bydd ein hymgyrch 'Gwaed, chwys ac iechyd da' yn ysbrydoli cefnogwyr i alw heibio i ganolfan rhoi gwaed lleol.

"Mae gan bob rhodd gwaed unigol y pŵer i achub hyd at dri bywyd ac mae digon o apwyntiadau rhoi gwaed ar gael y gall cefnogwyr pêl-droed chwarae eu rhan ynddynt."

Dywedodd Stephen Williams, Cadeirydd Bwrdd y Cynghreiriau Cenedlaethol:

Gyda thua 1,600 o sesiynau rhoi gwaed mewn 400 o leoliadau gwahanol ledled Cymru bob blwyddyn, mae digon o gyfleoedd i gefnogwyr ddod o hyd i'w sesiwn agosaf a gwneud gwahaniaeth. Gall unrhyw un rhwng 17 a 66 oed gofrestru ar-lein a dod yn rhoddwr. O'r dechrau i'r diwedd, mae'r broses o roi yn cymryd ychydig llai nag awr, gyda'r rhodd gwaed ei hun yn para dim ond pump i ddeg munud.

Rydym wedi cyflwyno swyddogaeth newydd ar ein gwefan a fydd yn caniatáu i gefnogwyr o glybiau ledled Cymru glicio ar emblem eu clwb a gweld rhestr o ganolfannau rhoi gwaed sydd ar gael sy'n lleol iddynt.